کلہاڑی کے وار سے عورت کو قتل کرنے والا محمد ملک قتل عمد کے جرم سے بچ گیا – Kashmir Link London

کلہاڑی کے وار سے عورت کو قتل کرنے والا محمد ملک قتل عمد کے جرم سے بچ گیا

بریڈفورڈ (کشمیر لنک نیوز) نیلسن میں بیٹی کی شادی ختم ہونے پر اس کی ساس کو کلہاڑی سے قتل کرنے والے محمد ملک کو غیر ارادی قتل کا مجرم قرار دیا گیا ہے۔ محمد ملک نے گزشتہ برس4جولائی کو عشرت احمد اور اس کے شوہر آفاق احمد پر ان کے گھر کے دروازے پر کلہاڑی سے حملہ کردیا تھا۔ محمد ملک وہاں بیٹے وسیم کو تلاش کرنے کے لیے گیا تھا جس سے اس کی بیٹی کی شادی ٹوٹی تھی۔

حملہ کے نتیجہ میں52سالہ عشرت احمد ہسپتال جاکر دم توڑ گئی تھیں جب کہ55سالہ آفاق احمد شدید زخمی ہوگیا تھا، حملے کے بعد محمد ملک اپنے گھر چلا گیا تھا جہاں سے پولیس نے تھوڑی دیر بعد اسے گرفتار کرلیا اور گھر کے بیک گارڈن سے کلہاڑی بھی برآمد کرلی۔ جیوری نے محمد ملک کو آفاق احمد کے قتل کے الزام سے بری لیکن غیر ارادی قتل کا مجرم قرار دیا۔ محمد ملک کو11فروری کو سزا سنائی جائے گی۔

50% LikesVS
50% Dislikes