کشمیر پریمیئر لیگ جیتنے والے شاہد آفریدی کا اہلیہ کی جانب سے پرتپاک استقبال – Kashmir Link London

کشمیر پریمیئر لیگ جیتنے والے شاہد آفریدی کا اہلیہ کی جانب سے پرتپاک استقبال

اسلام آباد(سپورٹس رپورٹ)قومی کرکٹ ٹیم کے سابق کپتان اور کشمیر پریمیئر لیگ کی فاتح ٹیم راولاکوٹ ہاکس کے کپتان شاہد آفریدی ٹرافی جیتنے کے بعد گھر پہنچ گئے۔

انہوں نے ٹوئٹر پر ایک مختصر ویڈیو شیئر کی اور اہلیہ کی جانب سے کیے جانے والے خوبصورت ویلکم کا شکریہ ادا کیا۔

شاہد آفریدی نے اپنے ٹوئٹ میں کہا کہ ’گھر پہنچ کر بہت اچھا محسوس کررہا ہوں، بیگم کا اتنا اچھا ویلکم کرنے کا شکریہ۔‘

شاہد آفریدی کے ٹوئٹ کے جواب میں اہلیہ نادیہ نے لال دل والے ایموجی کا استعمال کرتے ہوئے اپنے جذبات کا اظہار کیا۔

اس سے قبل ایونٹ کا فائنل جیتنے کے بعد شاہد آفریدی کا کہنا تھا کہ ٹرافی جو آج ہم جیتے ہیں یہ کشمیر کے لوگوں کیلئے ہے اور بھارت کے زیر انتظام کشمیر کیلئے ہے۔

50% LikesVS
50% Dislikes