ہر دلعزیز سماجی مذہبی اور کاروباری شخصیت بشیر احمد فانی دنیا چھوڑ کر خالق حقیقی سے جا ملے

آشٹن انڈر لائن (محمد فیاض بشیر) زندگی اور موت کا اختیار قبضہ قدرت کے پاس ہے کب کس نے دنیا میں آنکھ کھولنی ہے اور کب اس فانی دنیا کو چھوڑ کر خالق حقیقی سے جا ملنا یے۔ ایسے ہی کمیونٹی کی ہر دلعزیز سماجی مذہبی اور کاروباری شخصیت بشیر احمد فانی دنیا کو چھوڑ کر خالق حقیقی سے جا ملے۔ مرحوم ایشیائی کمیونٹی کے پہلے شخص تھے جنہوں نے انگریزی sausages کی حلال برانڈ کو متعارف کروایا جو چند سالوں کے بعد برطانیہ بھر میں مقبول ہوئے اور چند دئیاں گزرنے کے بعد حلال sausages برطانیہ بھر میں شوق سے کھاتے کے ساتھ بے حد مقبول ہیں۔
بشیر احمد مرحوم تنویر احمد، نصیر احمد ، یاسمین علی ، تسنیم اعجاز، روبینہ طارق، ثمینہ عارف اور فوزیہ صفدر کے والد تھے ۔انکی نماز جنازہ آشٹن سنٹرل مسجد میں ادا کی گئی برطانیہ میں کورونا وائرس کی وجہ سے جاری لاک ڈاؤن کو مدنظر رکھتے ہوئے اہل خانہ اور چند قریبی عزیز و اقارب نے جنازہ میں شرکت کی ۔ انکی وفات پر کمیونٹی کے مختلف مکتبہ فکر کے افراد نے پسماندگان سے دلی تعزیت کا اظہار کرتے ہوئے رب العالمین کی بارگاہ اقدس میں دعا کی کہ مرحوم کو جنت الفردوس میں اعلیٰ مقام عطا فرمانے کے ساتھ شفاعت و دیدار حبیب کریم صلی اللہ علیہ وآلہ وسلم نصیب کرے اور پسماندگان کو صدمہ عظیم برداشت کرنے کی ہمت دے آمین۔