نانا سے محبت آجکل کی بات نہیں بلکہ بچپن سے وہ میرے ہیرو ہیں، جنید کی پرانی ویڈیو وائرل – Kashmir Link London

نانا سے محبت آجکل کی بات نہیں بلکہ بچپن سے وہ میرے ہیرو ہیں، جنید کی پرانی ویڈیو وائرل

لندن (کشمیر لنک نیوز) مسلم لیگ نون کی نائب صدر مریم نواز کے صاحبزادے جنید صفدر نے 12 اکتوبر 1999 کی اپنے بچپن کی ایک ویڈیو شیئر کی ہے۔ انہوں نے اس ویڈیو میں نانا اور سابق وزیر اعظم میاں محمد نواز شریف کی تصویر تھام رکھی ہے۔ جسے وہ بار بار چومتے بھی دکھائی دیتے ہیں۔

ویڈیو اپنے انسٹاگرام اکاؤنٹ کی زینت بناتے ہوئے انہوں نے کیپشن میں لکھا کہ ”12 اکتوبر 1999 کے فوراً بعد۔۔۔۔۔” جنید صفدر نے 12 اکتوبر 1999 کو پاکستان کی تاریخ کا ایک سیاہ باب بھی قرار دیا۔

خیال رہے کہ بارہ اکتوبر 1999 کو سابق فوجی سربراہ جنرل پرویز مشرف نے نواز شریف کی منتخب حکومت کا تختہ الٹ کر اقتدار پر قبضہ کرلیا تھا۔ بارہ اکتوبر 1999 کو اس وقت کے وزیراعظم نواز شریف نے لیفٹیننٹ جنرل ضیاء الدین بٹ کو جنرل کے عہدے پر ترقی دے کر نیا آرمی چیف بنایا لیکن جبری ریٹائر کیے گئے ۔

آرمی چیف جنرل پرویز مشرف نے وزیراعظم کا فیصلہ قبول نہ کیا، پھر ٹرپل ون بریگیڈ نے وزیراعظم سیکریٹریٹ پر قبضہ کرلیا اور جمہوری وزیراعظم کو ہتھکڑی لگا دی گئی۔

50% LikesVS
50% Dislikes