برطانیہ کے سب سے بڑے آرکیٹیکٹ ایوارڈ کیلئے تاریخ میں پہلی بار ایک ’مسجد‘ نامزد – Kashmir Link London

برطانیہ کے سب سے بڑے آرکیٹیکٹ ایوارڈ کیلئے تاریخ میں پہلی بار ایک ’مسجد‘ نامزد

لندن (کشمیر لنک نیوز) برطانیہ کے آرکیٹیکٹ ایوارڈ کیلئے یورپ کی پہلی ماحول دوست مسجد کو نامزد کردیا گیا ، ایوارڈ کے فاتح کا اعلان آج 14 اکتوبر کو کیا جائے گا۔ برطانیہ کے سب سے بڑے آرکیٹیکٹ ایوارڈ اِسٹرلنگ پرائز کے لیے پہلی بار ایک مسجد کو نامزد کیا گیا ، لکڑی کے ڈھانچے پر تیار کی گئی کیمبرج سینٹرل مسجد گرین اینیرجی پر زیادہ انحصار کر نے والی یورپ کی پہلی ایکو فرینڈلی مسجد ہے۔

جدید طرز تعمیر پر بنی خوبصورت مسجد کا ڈیزائن اسلامی اور انگریزی تعمیراتی روایات کا حسین امتزاج ہے، اس مسجد کی تعمیر پر تقریباً 2 کروڑ برطانوی پاؤنڈز خرچ ہوئے۔مسجد میں ایک ہزار افراد بیک وقت نماز ادا کرسکتے ہیں، اس مسجد کو 24 اپریل 2019 کو عوام کے لیےکھول دیا گیا تھا۔

مسجد کو بہترین فن تعمیرکے باعث مسجد کو اسٹرلنگ پرائز کے لیے نامزد کیا گیا ہے، یہ ایوارڈ رائل انسٹی ٹیوٹ آف برٹش آرکیٹیکٹس کی طرف سے دیا جاتا ہے، ایوارڈ کے فاتح کا اعلان کل کیا جائے گا۔ایوارڈ کے لیے نامزد کردہ پانچ دیگر عمارتوں میں ٹینٹجیل کیسل فٹ برج شامل ہیں۔ ونڈرمیر جیٹی میوزیم کنگسٹن، یونیورسٹی لندن ٹاؤن ہاؤس، کلیدی ورکر ہاؤسنگ ، ایڈنگٹن ، کیمبرج اور 15 کلرکن ویل بند۔

جیوری ممبران نے تسلیم کیا کہ ان منصوبوں کا ایک وژن ہے، جو ڈیزائن کے تمام پہلوؤں میں جھلکتا ہے، وہ آرکیٹیکچرل اور تصوراتی امنگ کا مظاہرہ کرتے ہیں جبکہ مالکان اور ان کے زائرین دونوں کو خوشی دیتے ہیں۔

50% LikesVS
50% Dislikes