پاکستان پریس کلب یوکے ایگزیکٹیو کونسل کا سال کا آخری اجلاس، انتخابی عمل کا اعلان

لندن (شیراز خان) گزشہ ہفتے پاکستان پریس کلب یوکے کی سالانہ میٹنگ میں انتخابی عمل کی تاریخ کا اعلان ہونے کے بعد کلب کی ایگزیکٹیو کونسل کا آخری اجلاس گزشتہ روز ہوا جس میں انتخابی عمل کو حتمی شکل دی گئی۔ اس میٹنگ کیلئے گزشتہ ہفتے مرکسی سیکریٹری ارشد رچیال اور مانچسٹر برانچ کے صدر ماجد نذیر نے پاکستان میں اپنی مصروفیات کے باعث شرکت سے معذرت کرلی تھی۔
میٹنگ میں جن ارکان نے شرکت کی ان میں مرکز سے کلب کے صدر مبین چوہدری، سینیئر نائب صدر شیراز خان، جوائنٹ سیکریٹری مسرت اقبال، انفارمیشن سیکریٹری نادیہ راجہ، فنانس سیکریٹری رفیق مغل، ممبرز مرکزی گورننگ باڈی عدیل خان، عمران ظہور راجہ، فرحت کاظمی، اسرار راجہ کے علاوہ یارکشائیر برانچ کے صدر زاہد نور، شفیلڈ برانچ کے صدر شفقت مرزا، لوٹن برانچ کے صدر اسرار خان اور مڈلینڈز برانچ کے صدر ربنواز چغتائی شامل تھے۔
بہت سے دیگر امور پر تفصیلی بحث کے بعد انتخابی عمل کے شیڈول پر متفقہ فیصلہ ہوا کہ کاغزات نامزدگی کیلئے ہر رکن کو ppcuk.org@gmail.com پر ای میل کرکے نامینیشن پیپر اور ممبرز لسٹ منگوانی ہوگی۔ یہ عمل دو سے آٹھ جنوری تک جاری رہیگا۔ انتخابی عمل شرکت کے خواہشمندگان کی ابتدائی لسٹ ٩ جنوری شام آویزاں کردی جائےگی۔کاغذات واپس لینے کی حتمی تاریخ دس جنوری رات بارہ بجے ہوگی۔
امیدواران کی ابتدائی لسٹ 12 کو آویزاں کردی جائے گی۔ جبکہ کاغذات نامزدگی واپس لینےکی حتمی تاریخ 13 جنوری ہوگی۔امیدواران کی دوسری لسٹ 15 جنوری کو آویزاں کردی جائے گی اس پر اعتراضات اگلے دن یعنی 16 جنوری تک لئے جائیں گے جسکے بعد امیدواران کی حتمی لسٹ 18 جنوری کو آویزاں کردی جائے گی۔اجلاس میں یہ بھی طے پایا کہ اگر کوئی ممبر ملک سے باہر ہو تو وہ ٹکٹ اور بورڈنگ پاس دکھا کر پوسٹل ووٹ کی سہولت حاصل کرسکتا ہے۔