برطانوی شاہی محل میں نوکری کا نادرموقع، تنخواہ 40 لاکھ روپے – Kashmir Link London

برطانوی شاہی محل میں نوکری کا نادرموقع، تنخواہ 40 لاکھ روپے

لندن (عمران راجہ) برطانوی شہزادہ ولیم اور ان کی اہلیہ شہزادی کیٹ میڈلٹن نے شاہی خاندان میں آسامی کا اعلان کیا ہے۔ شاہی جوڑےکی جانب سے جاری کردہ اعلامیے میں کہا گیا ہے کہ ’نوکری کے خواہش مند افراد کو مستقل طور پر کنگسٹن پیلس میں خدمات انجام دینا ہوں گی۔

اگر آپ برطانوی شاہی خاندان کے مداح ہیں اور شاہی محل میں رہنے کی خواہش رکھتے ہیں تو آپ کے لیے نادر موقع ہے کہ شہزادہ ولیم اور کیٹ میڈلٹن، یعنی ڈیوک اور ڈچس آف کیمبرج نئے گھریلو ملازموں کی خدمات حاصل کرنے کے خواہاں ہیں۔

اعلامیے کے مطابق ولیم اور کیٹ عہدے کے لیے ایک تجربہ کار شخص کی تلاش میں ہیں، ملازمت حاصل کرنے کے خواہشمند شخص کی ذمہ داریوں میں کنگسٹن پیلس کے تمام ہاؤس کیپنگ آپریشنز کا انتظام کرنا شامل ہے۔

علاوہ ازیں ملازم کو سفر (ٹریول) بھی کرنا ہوگا اور کام کی نوعیت کے حساب سے ملازم کو امور انجام دینا بخوبی آتا ہوں، اعلامیے میں یہ بھی کہا گیا ہے کہ ’امیدوار کے لیے شاہی خاندان کی رازداری برقرار رکھنا سب سے اہم کام ہے۔

برطانوی میڈیا کے مطابق ملازمت کے اہل شخص کو شاہی خاندان کی جانب سے 19 ہزار 140 پاؤنڈ (39 لاکھ 93 ہزار 288 روپے) سالانہ تنخواہ دی جائے گی، شاہی خاندان میں رہنے کا موقع میسر آئے گا اور تمام سفری اخراجات ادا کیے جائیں گے۔

رپورٹ کے مطابق درخواست دہندگان کو 7 نومبر تک اپنے کوائف جمع کروانا لازمی ہیں۔

50% LikesVS
50% Dislikes