برطانوی شہزادہ ہیری کو نوکری مل گئی، تنخواہ ایک ملین ڈالر سے زائد مقرر – Kashmir Link London

برطانوی شہزادہ ہیری کو نوکری مل گئی، تنخواہ ایک ملین ڈالر سے زائد مقرر

لندن(کشمیر لنک نیوز)شاہی محل سے دستبرداری کے بعد شہزادہ ہیری امریکی کوچنگ فرم ’بیٹراپ‘ میں چیف امپیکٹ آفیسرکا عہدہ سنبھالیں گے۔

برطانوی خبررساں ادارے کے مطابق شہزادہ ہیری کی تنخواہ سات ہندسوں پر مشتمل ہوگی یعنی ممکنہ طور پر ہیری کی تنخواہ ایک ملین ڈالر سے زیادہ ہوگی۔

شاہی محل سے دستبرداری کے بعد شہزادہ ہیری اوران کی اہلیہ میگھن مارکل امریکا میں قیام پزیر ہیں۔ اب شہزادہ ہیری امریکا میں ذہنی صحت پر کام کرنے والی کمپنی ‘بیٹر اپ’ میں نوکری کریں گے جہاں ان کا عہدہ چیف اپمیکٹ آفیسر ہوگا۔

شہزادہ ہیری نے کہا کہ نئی ذمہ داریوں سے متعلق وہ بہت پر امید اور پرجوش ہیں، اس نئے عہدے کا مقصد ذہنی صحت سے متعلق ضروری اقدامات کو اجاگر کرنے سمیت سازگار ماحول والی کمیونٹی کے قیام اورحساس موضوعات پر بات چیت کے لیے ماحول کو فروغ دینا ہے۔

دوسری جانب سے ’بیٹراپ‘ کمپنی کے سی ای او نے وال اسٹریٹ جرنل کوبتایا کہ شہزادہ ہیری براہ راست ان کورپورٹ نہیں کریں گے اور نہ ہی وہ ملازمین کا انتظام سنبھالیں گے تاہم حالات بہتر ہونے پر وہ کمپنی کے سان فرانسسکو ہیڈکوارٹر میں کچھ وقت گزارسکتے ہیں۔

واضح رہے کہ کچھ عرصے قبل شہزادہ ہیری نے اہلیہ میگھن مارکل کے ہمراہ اوپرا ونفری کو ایک تہلکہ خیز انٹرویو دیا تھا جس میں ان کی جانب سے شاہی محل سے متعلق بہت سے انکشافات کیے گئے تھے۔

50% LikesVS
50% Dislikes