عالیہ اور رنبیر کی بھارتی پاپارازیوں سے ملاقات، بیٹی کی تصویر دو سال تک وائرل نہ کرنے کی درخواست

ممبئی (مونا بیگ) بالی وڈ کے معروف جوڑی رنبیر اور عالیہ نے اعلان کیا ہے کہ وہ دو سال تک اپنی بیٹی کی تصویر منظر عام پر نہیں لانا چاہتے۔ بھارتی میڈیا سے درخواست کرتے ہوئے انکا کہنا تھا کہ انہوں نے بیٹی راحہ کی پرائیویسی کا خیال رکھتے ہوئے ، آئندہ 2سال کیلئے بیٹی کی تصویر دنیا کے سامنے نہ لانے کا فیصلہ کیا ہے۔ میڈیا رپورٹس کے مطابق عالیہ اور رنبیر نے نیتو کپور کے ہمراہ ممبئی میں ‘‘پاپارازی “ سے ملاقات کی جس دوران اداکار جوڑی نے پاپارازی سے بیٹی راحہ کی پرائیویسی کے لیے درخواست کی۔
عالیہ اور رنبیر کا کہنا تھا کہ بیٹی راحہ کی 2 سال تک کوئی بھی تصویر نہ لی جائے، رنبیر نے اس دوران پاپارازی کو ٹریٹ بھی دی، یہی نہیں رنبیر نے اپنا موبائل فون کھول کر اس تقریب میں شامل تمام افراد کو بیٹی راحہ کی تصویر بھی دکھائی۔ تاہم درخواست کی کہ بچی کی پرائیویسی کا خیال رکھتے ہوئے 2 سال تک کوئی تصویر نہ لی جائے، رنبیر نے پاپا رازی کو بتایا کہ اس سے قبل انھوں نے راحہ کی تصویر کسی سے شیئر نہیں کی ہے۔
یاد رہے کہ عالیہ اور رنبیر اپریل 2022 میں شادی کے بندھن میں بندھے تھے جس کے بعد 6 نومبر کو بالی وڈ کی مایا ناز جوڑی کے گھر بیٹی کی پیدائش ہوئی تھی۔ انسٹاگرام پر عالیہ بھٹ نے اپنی اور رنبیر کپور کی بیٹی کے ہمراہ تصویر (جس میں چہرہ واضع نہ تھا) پوسٹ کرتے ہوئے نے اعلان کیا تھا کہ انہوں نے اپنی بیٹی کا نام ’راحہ‘ رکھا ہے۔