جیمز بانڈ کی تازہ ترین فلم ’نو ٹائم ٹو ڈائی‘ کی کامیابی میں پاکستانی آرٹسٹ کی خدمات بھی شامل – Kashmir Link London

جیمز بانڈ کی تازہ ترین فلم ’نو ٹائم ٹو ڈائی‘ کی کامیابی میں پاکستانی آرٹسٹ کی خدمات بھی شامل

لندن (مونا بیگ) پاکستانی نژاد ویژول آرٹسٹ لاریب عطا نے ایک اور بڑے بجٹ کی ہالی وڈ فلم میں اپنی خدمات پیش کردی ہیں، تفصیلات کے مطابق لاریب عطا نے باکس آفس پر تہلکہ مچانے والی ہالی وڈ فلم جیمز بونڈ 007 میں بطور ویژول آرٹسٹ کام کیا ہے، اس وقت یہ فلم برطانوی اور امریکی باکس آفس پر چھائی ہوئی ہے۔

معروف گلوکارعطا اللہ خان عیسی خیلوی کی بیٹی لاریب عطا گزشتہ 10 سالوں سے ہالی وڈ میں بطور ویژول آرٹسٹ کام کررہی ہیں۔ لاریب عطا جیمز بونڈ 007 سے قبل ہالی وڈ فلم ٹیننٹ اور مشن امپاسیبل فال آؤٹ، ایکس مین اور دیگر فلموں میں بطور ویژول ایفیکٹ آرٹسٹ کام کرچکی ہیں۔ حالیہ ریلیز ہونے والی جیمز بانڈ مووی کے لندن پریمیئر میں شاہی خاندان کے افراد نے خصوصی طور پر شرکت کی تھی۔

لاریب عطا 2019 میں ویژول ایفیکٹ سوسائٹی ایوارڈ میں نام زد ہونے والی واحد پاکستانی ہیں۔ لاریب عطا نے اس کام یابی کو اپنے بھائی سانول عیسی خیلوی کے نام کرتے ہوئے کہا ہے کہ کام یابی کے اس سفر میں میرے بھائی نے والد جیسا کردار ادا کیا۔ بطور پاکستانی ہالی وڈ فلم میں کام کرنا باعث اعزاز ہے۔

50% LikesVS
50% Dislikes