رمضان المبارک میں ٹورنٹو کی مساجد میں اذان کی اجازت – Kashmir Link London

رمضان المبارک میں ٹورنٹو کی مساجد میں اذان کی اجازت

لندن (خصوصی رپورٹ: اکرم عابد) رمضان المبارک کے مقدس مہینے میں امت مسلمہ کو جو سکون اذان میں ملتا ہے اسکا تصور محال ہے، غیر مسلم بھی اسکا ادراک کرتے ہیں۔ کینیڈا کے شہر ہیلی فیکس کی معروف امہ مسجد کی انتظامیہ کو حکومت نے اجازت دی ہے کہ وہ رمضان المبارک میں لائوڈ سپیکر پر اذان دے سکتے ہیں۔
ورونا وائرس کی وبا کے باعث مساجد کی بندش کے دوران مسلمانوں کو ماہ رمضان میں کینیڈا کی چند مساجد میں اذان بذریعہ لاؤڈ سپیکر دینے کی اجازت دی گئی ہے۔
ایسا کینیڈا کی تاریخ میں پہلی مرتبہ ہوا ہے کہ مساجد کے باہر لاؤڈ سپیکر پر اذان کی آواز سنائی دی گئی اور لوگوں نے اپنے گھروں میں اذان کی آواز براہ راست سنتے ہوئے افطاری کی۔
اس سلسلے میں ٹورانٹو شہر کی دو اور اس کے مضافات میں واقع ایک بڑی مسجد کو ابتدائی طور پر مغرب کی اذان کے لیے لاؤڈ سپیکر کے استعمال کی اجازت دی گئی ہے۔
اس اجازت کا اطلاق ابھی صرف دوران رمضان اذانِ مغرب کے لیے ہوگا۔ تاہم ان مساجد کے منتظمیں اور امام اس بات کی امید کر رہے ہیں کہ ان کو مستقبل قریب میں پانچوں نمازوں کے لیے اجازت مل سکتی ہے۔
کینیڈا میں اس وقت مسلمان کل آبادی کا تقریباً چار فیصد ہیں۔ ملک میں مسیحی برادری کے بعد اسلام دوسرا بڑا مذہب ہے۔ یاد رہے کہ مسلمانوں کا شمار کینیڈا میں تیزی سے بڑھنے والی آبادی میں ہوتا ہے۔

50% LikesVS
50% Dislikes