اسپاٹی فائے کی’ایکوئل پاکستان‘ کے لیے ایمبیسیڈر گلوکارہ مہک علی کا بل بورڈ ٹائم اسکوائر پر – Kashmir Link London

اسپاٹی فائے کی’ایکوئل پاکستان‘ کے لیے ایمبیسیڈر گلوکارہ مہک علی کا بل بورڈ ٹائم اسکوائر پر

لندن(مونا بیگ)عروج آفتاب کے بعد اب ایک اور پاکستانی گلوکارہ مہک علی کی تصویر نیویارک میں’ٹائمز سکوائر‘ پر آویزاں کردی گئی ہے۔

گریمی ایوارڈ جیتنے والی عروج آفتاب کے بعد اس مہینے پاکستانی گلوکارہ مہک علی کی تصویر کو ٹائمز سکوائر بل بورڈ پر آڈیو اسٹریمنگ سروس اسپاٹی فائے کی’ایکوئل پاکستان‘ کے لیے ایمبیسیڈر کے طور پرآویزاں کیا گیا ہے۔

ٹوئٹر پر اپنے پیغام میں گلوکارہ مہک علی نے کہا کہ میں ننکانہ صاحب سے نیو یارک سٹی تک جا پہنچی جس پر آنکھوں سے خوشی کے آنسو نکل رہے ہیں۔ آج میں پاکستانی میوزک کو عالمی سطح پر پیش کررہی ہوں۔

مشہورومعروف اسٹریمنگ سروس اسپوٹیفائی کی پاکستانی خواتین کی تصاویر ٹائمز اسکوائر پر آویزاں کرنے کا مقصد خواتین تخلیق کاروں کو عالمی برادری کے سامنے اپنا کام سامنے لانے کیلئے ایک پلیٹ فارم مہیا کرنا ہے جس سے ان کی حوصلہ افزائی ہوتی ہے۔

اسپوٹیفائی پر حمد و نعت، صوفیانہ کلام اور تلاوتِ قرآنِ پاک پر مشتمل کیٹگری رمضان ڈیسٹی نیشن بھی پیش کی جارہی ہے جسے پاکستانی سامعین کے حوالے سے اپڈیٹ کردیا گیا۔ رواں ماہ گلوکارہ مہک علی کا انتخاب بھی اسی مقصد سے کیا گیا۔

50% LikesVS
50% Dislikes