لندن (عمران راجہ) برطانوی پروڈیوسر و اسکرین رائٹر، سابق وزیراعظم عمران خان کی سابقہ اہلیہ جمائما گولڈ اسمتھ نے پڑوسیوں کے حقوق پر حدیثِ مبارکہ شیئر کردی۔جمائما گولڈ اسمتھ نے معروف اسلامک اسکالر، امام شیخ ابراہیم موگرہ کے پڑوسیوں کے حقوق پر بیان دیتے ویڈیو شیئر کی۔
جمائما گولڈ اسمتھ کا اپنی اس ویڈیو کے کیپشن میں بتانا ہے کہ ’بین المذاہب پر کام کرنے کے لیے اعزاز یافتہ امام شیخ ابراہیم موگرہ رمضان کے اختتام پر مقامی چرچ میں ایک خطبہ دے رہے ہیں۔‘جمائما کی جانب سے شیئر کی گئی اس ویڈیو میں شیخ ابراہیم موگرہ کو پڑوسیوں کی حفاظت اور اس کی اہمیت سے متعلق بات کرتے ہوئے سنا جا سکتا ہے۔
Birthday wish granted.
— Jemima Goldsmith (@Jemima_Khan) May 8, 2022
Islamic scholar & Imam, Shaykh Ibrahim Mogra, who has been awarded for his interfaith work, gave a sermon at our local church to celebrate the end of Ramadan.
He talked about the importance of celebrating our differences & protecting our neighbours. pic.twitter.com/HMDdHPyPMC
جمائما گولڈ اسمتھ کی جانب سے بھی اس ٹوئٹ میں پڑوسیوں کے حقوق پر حدیثِ مبارکہ لکھی گئی کہ: ’نبی کریم صلی اللّٰہ علیہ وآلہ وسلم نے ارشاد فرمایا: ’وہ ہم میں سے نہیں ہے (یعنی مسلمان نہیں ہے) جس کا پڑوسی اُس کے ہاتھ اور زبان کے نقصان سے محفوظ نہ ہو۔‘
