دنیا بھر میں سب سے طویل عمریں رکھنے والے ورلڈ ریکارڈ ہولڈر پاکستانی نژاد بہن بھائی – Kashmir Link London

دنیا بھر میں سب سے طویل عمریں رکھنے والے ورلڈ ریکارڈ ہولڈر پاکستانی نژاد بہن بھائی

لندن (عمران راجہ) پاکستان سے تعلق رکھنے والے دنیا کے مختلف ممالک میں رہنے والے 12 بھائی بہنوں کی عمریں مجموعی طور پر 1000 سال سے زائد ہوگئیں۔

اس ڈی کروز خاندان کے 12 بھائی بہنوں کو 15 دسمبر کو دنیا میں مجموعی طور پر سب سے زیادہ عمر رکھنے والے بھائی بہنوں کا اعزاز دیا گیا۔ اس ریکارڈ کو گنز بک آف ورلڈ ریکارڈ میں بھی شامل کرلیا گیا ہے۔

میڈیا رپورٹس کے مطابق ان درجن بھر بھائی بہنوں کی مجموعی عمر 1042 سال 315 دن ہے جبکہ ان تمام لوگوں کی عمریں 75 سے 97 سال کے درمیان ہیں۔

اس خاندان کی سب سے چھوٹی بہن گینا کارٹر کا کہنا تھا کہ ان تمام بھائی بہنوں کے درمیان محبت اب بھی موجود ہے اور وہ روزانہ دوپہر 11 بجے ویڈیو کالز بھی کرتے ہیں۔

رپورٹس میں یہ بات سامنے آئی کی گینا کارٹر اور ان کا خاندان پاکستان میں پلا بڑھا ہے، جبکہ اس کے بعد وہ کینیڈا منتقل ہوگئے۔ تاہم اب ان بھائی بہنوں میں سے ایک کیلیفورنیا جبکہ دیگر کینیڈا اور سوئٹزر لینڈ میں رہائش پذیر ہیں۔

50% LikesVS
50% Dislikes