کورونا وائرس کی نئی قسم کا پھیلائو تین گنا تیز، برطانیہ میں کی گئی نئی تحقیق میں انکشاف – Kashmir Link London

کورونا وائرس کی نئی قسم کا پھیلائو تین گنا تیز، برطانیہ میں کی گئی نئی تحقیق میں انکشاف

لندن (عدیل خان) برطانیہ میں کی گئی نئی تحقیق میں انکشاف ہوا ہے کہ کورونا وائرس کی نئی قسم پہلی قسم کے مقابلے میں تین گنا تیزی سے پھیل رہی ہے اور تمام عمر کے افراد اس وائرس سے متاثر ہوسکتے ہیں، برطانیہ میں 24 گھنٹوں میں کورونا وائرس کے 53 ہزار285 نئے کیس، 613 اموات رپورٹ ہوئی ہیں۔

امپیریل کالج لندن کی نئی تحقیق کے مطابق کورونا وائرس کی نئی قسم پہلے کے مقابلے میں زیادہ تیزی سے پھیل رہی ہے اور یہ بچوں سمیت تمام عمر کے لوگوں کے لیے مہلک ثابت ہورہی ہے۔

ماہرین نے خیال ظاہر کیا ہے کہ کیسز پر قابو پانے کیلئے برطانوی حکومت کو پابندیاں مزید سخت کرنی ہوں گی، موجودہ صورتحال کے باوجود برطانیہ میں نئے سال کے جشن کے موقع پر پابندیوں کو مکمل نظر انداز کیا گیا۔

پولیس اہلکاروں کو لندن میں 58 غیرقانونی اجتماعات کی اطلاعات ملیں، پابندیوں کی خلاف ورزی کرنے پر4 افراد کو گرفتار متعدد افراد پر جرمانہ عائد کیا گیا۔

50% LikesVS
50% Dislikes