اولڈہم (محمد فیاض بشیر ) المصطفیٰ ویلفیئر ٹرسٹ کے زیر اہتمام ایسٹرن پویلین ہال اولڈہم میں سالانہ عشائیہ کا انعقاد ہوا جس میں المصطفیٰ ویلفیئر ٹرسٹ کے چیئرمین عبدالرزاق ساجد ، مینجنگ ڈائریکٹر صدف جاوید، بین الاقوامی اسلامی نظموں کو ترنم سے ادا کرنے والے گروپ شام کے علاوہ کمیونٹی کی بڑی تعداد نے شرکت کی ۔ عشائیہ تقریب کی نقابت کے فرائض عدیل ریاض نے بخوبی انجام دے جبکہ کمیڈین سلمان ملک نے شرکا کو اپنے مخصوص انداز میں طنز و مزاح کے نشتر چلا کر خوب محضوظ کیا ۔
اس موقع پر المصطفیٰ ویلفیئر ٹرسٹ کے چیئرمین عبدالرزاق ساجد کا کہنا تھا کہ ہمارا جو نصب العین ہے کہ روشنی سبکے لیےاسی کے تحت اب تک ہم ایک لاکھ ستر ہزار افراد کی آنکھوں کا آپریشن کر کے انہیں دوبارہ بصارت کی نعمت دے چکے ہیں انکا کہنا تھا کہ اسکا سہرا مخیر حضرات کو جاتا ہے جو ہمیں عطیات دیتے ہیں اور ہم مستحق افراد کو انکی دہلیز پر جا کر سہولت فراہم کرتے ہیں ۔ مینجنگ ڈائریکٹر صدف جاوید نے کہا کہ ہم نے پچھلے سال مستحق افراد کی آنکھوں کے علاج معالجہ کا جو ہدف رکھا تھا اسے پورا کرنے کے بعد سالانہ عشائیہ کا اہتمام کیا ایسا کمیونٹی کی طرف سے دل کھول کر عطیات دینے سے ممکن ہوا۔
آصف رشید بٹ نے کہا کہ المصطفیٰ ویلفیئر ٹرسٹ دنیا بھر میں فلاحی کام کر رہے ہیں فلسطین اور ترکیہ اور شام میں آنے والے حالیہ زلزلہ میں وہاں جا کر ضرورت مندوں کی مدد کو پہنچے ۔ المصطفیٰ ویلفیئر ٹرسٹ کے ڈائریکٹر آف ڈونر مینجمنٹ نثار احمد کا کہنا تھا کہ گریٹر مانچسٹر کی کمیونٹی کے مالی تعاون سے ہم نابینا افراد کی آنکھوں میں روشنی لانے کے لیے دو لاکھ کے ہدف کو عبور کریں گے۔امجد حسین مغل کا کہنا نابینا افراد کو دوبارہ دیکھنے کے قابل بنانا ثواب کا کام ہے ۔
عالیہ ہاشمی نے کہا کہ عشائیہ میں شریک افراد نے دل کھول کر عطیات دے المصطفیٰ ویلفیئر ٹرسٹ انسانیت کی خدمت میں مصروف عمل ہے ۔رضیہ چوہدری کا کہنا تھا کہ لوگوں نے دل کھول کر عطیات دے انہیں نیکی کے کاموں میں ایسے ہی حصہ لیتے رہنا چاہیے ۔ بلال غفور کا کہنا تھا کہ ہم نے المصطفیٰ ویلفیئر ٹرسٹ کی پاکستان میں ایک درجن مفت آئی کیمپ لگانے میں مالی تعاون کیا ہے المصطفیٰ ویلفیئر ٹرسٹ انتہائی منظم طریقے سے کام کر رہے ہیں المصطفیٰ ویلفیئر ٹرسٹ اسکے علاوہ مستحق افراد کے خون کے نمونے لیکر انہیں ایڈرز ڈینگی و دیگر امراض کی تشخیص میں بھی مدد کرتے ہیں ۔
عشائیہ میں شریک افراد کی تواضع روایتی ایشیائی کھانوں سے کی گئی ۔دکھی اور ضرورت مند افراد نابینہ افراد کو دوبارہ قدرتی نظاروں کو دیکھنے کے قابل بنانے اور انہیں معاشرے کا مفید شہری بنانے میں المصطفیٰ ویلفیئر ٹرسٹ سنت رسول پر عمل پیرا ہے ۔
