انگلینڈ کے دورہ پاکستان سے قبل پاکستان کرکٹ ٹیم سپر لیگ کھیلنے انگلینڈ آئے گی؛ شیڈول جاری – Kashmir Link London

انگلینڈ کے دورہ پاکستان سے قبل پاکستان کرکٹ ٹیم سپر لیگ کھیلنے انگلینڈ آئے گی؛ شیڈول جاری

لندن (مسرت اقبال) پاکستان کرکٹ بورڈ نے آئیندہ سال ایک بار پھر قومی ٹیم کے دورہ انگلینڈ کا اعلان کر دیا ہے جو جولائی میں تین ٹی 20 اور تین ون ڈے میچز کھیلنے کیلئے انگلینڈ جائے گی۔

دورہ انگلینڈ کا اعلان پاکستان کرکٹ بورڈ اور انگلش کرکٹ بورڈ کے مشترکہ اعلامیہ میں کیا گیا جس کے تحت پاکستان کرکٹ ٹیم انگلینڈ میں ون ڈے سپر لیگ کے تین میچز کے علاوہ تین ٹی 20 میچز بھی کھیلے گی۔

قومی کرکٹ ٹیم کا چھ سال میں چھٹا دورہ انگلینڈ ہوگا ، پاکستان ٹیم 2016ءسے ہر سال انگلینڈ کا دورہ کر رہی ہے۔ 2016، 2018 اور 2019، 2020، میں دو طرفہ سیریز کیلئے پاکستان ٹیم انگلینڈ گئی جبکہ 2017 میں چیمپئنز ٹرافی اور 2019ءمیں ورلڈ کپ کیلئے انگلینڈ میں رہی، 2019 میں پاکستان ٹیم نے انگلینڈ سے دو طرفہ وائٹ بال سیریز بھی کھیلی۔

اگلے سال جولائی کے دورہ انگلینڈ میں پاکستان اور انگلینڈ کے درمیان تین ون ڈے میچز 8، 10اور 13جولائی کو ہوں گے۔ یہ ون ڈے میچز کارڈیف ، لارڈز اور برمنگھم میں ہوں گے جبکہ تین ٹی 20 میچز 16، 18اور 20 جولائی کو ناٹنگھم، لیڈز اور مانچسٹر میں ہوں گے۔

پاکستان ٹیم کے کپتان بابر اعظم کا کہنا ہے کہ ٹیم 2016ءسے ہر سال انگلینڈ جارہی ہے اب انگلینڈ دوسرے ہوم گراؤنڈ جیسا لگتا ہے۔ انگلینڈ میں کھیل کر پاکستان ٹیم کے کھیل میں نکھار آتا ہے۔

50% LikesVS
50% Dislikes